हेटौंडा। मकवानपुरको इन्द्रसरोवर गाउँपालिकाको बतासेमा बुधबार साँझ टाटासुमो दुर्घटना हुँदा नौ जना घाइते भएका छन् । भीमफेदी कुलेखानी काठमाण्डौ सडक खण्डमा हेटौडाबाट काठमाण्डौ तर्फ जादै गरेको ना १ ज १७६४ नम्बरको सुमो आफै अनियन्त्रित भई सडकबाट ५० मिटर तल खसी दुर्घट्ना हुँदा सुमोमा सवार नौ जना यात्रु घाइते भएका हुन् । सुमो दुर्घटनामा घाइतेहरुलाई उपचारका लागि काठमाण्डौ तर्फ लगिएको जिल्ला प्रहरी कार्यालय मकवानपुरका प्रहरी नायब उपरिक्षक टेक बहादुर कार्कीले बताउनुभयो । सुमोका चालकलाइ प्रहरीले नियन्त्रणमा लिएको छ ।
