हेटौंडा । मकवानपुर क्षेत्र नम्बर १ ख का नेकपा एमालेका उम्मेद्बार एकालाल श्रेष्ठले एमाले सरकारले सुरु गरेका काम पूरा गर्न एमालेले जित्न आवस्यक रहेको बताउनुभएको छ । हेटौंडा ९ मा शनिबार भएको घरदैलो तथा कोण सभामा बोल्दै उहाँले एमाले सरकारका समयमा धेरै राम्रो कामको सुरुवात गरेकोले त्यसलाई सम्पन्न गराउन पनि जनताले एमालेलाई जिताउने बताउनुभयो ।
गठबन्धनको सरकारदेखि जनता आजित भएकाले एमालेको सरकार छिटो बन्नुपर्ने उहाँको भनाई थियाे । जनताले अहिले गठबन्धन सरकार हटाएर एमालेको सरकार बनाउने जनतामा चाहना रहेको बताउनुभयो । वर्तमान सरकारबाट आजित भएर जनताले चाँडै एमालेको सरकार बनाउन चाहेको उहाँकाे भनाई थियाे ।
विगत तीन वर्ष सरकारमा हुँदा एमाले सरकारले जनताको मन जित्ने काम गरेकाले बाँकी योजना गठबन्धनको सरकारले कटौती गरेकोले त्यो पूरा गर्न पनि एमालेको सरकार बनाउनुपर्ने बताउनुभयो । देश विकास गर्ने पार्टी, देश बनाउने पार्टी एमाले भएको भन्दै एमालेको कामको मुल्यांकन गर्नपनी श्रेष्ठले आग्रह गर्नुभयो । एमाले सरकारमा हुँदा जनमुखी काम गरेकै कारण अहिले नेपालका जनताले फेरि पनि छिटो एमालेको सरकार बनोस् भन्ने दृढ इच्छा राखिरहेका उहाको भनाइ थियो ।
