हेटौंडाः हेटौंडा–७, नागस्वतीमा आयोजना भएको नागस्वती राष्ट्रिय भेट्रान्स फुटबल प्रतियोगिताको उपाधी आयोजक नागस्वती भेट्रान्सले जितेको छ । बुधबार भएको फाइनल खेलमा ठमेल चिया पप भेट्रान्सलाई २—१ गोलअन्तरले हराउँदै आयोजक नागस्वतीले उपाधी जितेको हो ।
प्रतियोगिताको विजेता बनेसँगै आयोजक नागस्वतीले नगद २ लाख १ हजार रुपैयाँ हात पारेको छ । म्यान अफ द म्याच राजकुमार घिसिङ घोेषित भए । उपविजेता बनेको ठमेल भेट्रान्सले १ लाख १ हजार रुपैयाँमा चित्त बुझाएको छ । नक आउट चरणमा भएको प्रतियोगितामा १८ टिमले सहभागिता जनाएका थिए ।
