हेटौंडा – मकवानपुर प्रहरीले हेटौंडा उपमहानगरपालिका–१५ बाट ठुला परिमाणमा लागुऔषधसहित दुई जनालाइ पक्राउ गरेको छ । प्रहरीले लागुऔषधसहित बारा कलैया उपमहानगरपालिका–१३ का २७ वर्षीय सन्तोष साह कलवार र धनुषा महेन्द्रनगर–२ घर भई हाल हेटौंडा–४ स्थित बाईपास रोडमा मुन्ना साईकल स्टोर संचालन गर्दै आएका ३७ वर्षीय मुन्ना भन्ने अमन प्रसाद जैसवाललाई पक्राउ गरेको हो ।
पुर्वपश्चिम राजमार्ग अन्तर्गत बिरगंजबाट हेटौंडातर्फ आउँदै गरेको ना १ ज २३९६ नम्बरको सुमोको सिटमुनी सेतो बोराभित्र लुकाईछुपाई ल्याएको अवस्थामा नाईट्राभेट १५०० ट्यावलेट र wincirex २४० बोतल सहित उनीहरुलाई नियन्त्रणमा लिईएको जिल्ला प्रहरी कार्यालय मकवानपुरले जनाएको छ । लागुऔषध र टाटा सुमो गाडीसहित दुबैजनालाई नियन्त्रणमा लिएर थप अनुसन्धान कार्य भईरहेको प्रहरीले जनाएको छ ।
