मकवानपुर– नेपाल कम्युनिष्ट पाट्री (नेकपा) मकवानपुरगढी गाउँपालिका वडा नम्बर १ को सपथ ग्रहण कार्यक्रम आज सम्पन्न भएको छ । नेकपाका पुर्व वडा कमिटि अध्यक्ष मान बहादुर घिसिङको अध्यक्षतामा भएको कार्यक्रममा नेकपा मकवानपुरका सचिव एवम् प्रदेश सभा सदस्य प्रेम बहादुर पुलामीको प्रमसख आतिथ्यता रहेको थियो ।
वडा नम्बर १ मा गठित २९ सदस्य कमिटिलाई प्रमुख अतिथि पुलामीले सपथ ग्रहण गराउनु भएको थियो । सपथ ग्रहण कार्यक्रममा प्रमुख अतिथी पुलामीले नेकपाले लिएको अवधारणा अनुसार अगाडी बढ्न कार्यकर्ताहरुलाई सुझाव दिनुभएको थियो । कार्यक्रममा गढी गाउँपालिका अध्यक्ष बिदुर हुमागाई, नेकपा गढी गाउँपालिका कमिटि अध्यक्ष रामजी सापकोटा, सचिव राजकुमार खड्का, जिल्ला कमिटि सदस्य मान कुमारि पाख्रिन, बिण्णु दाहाल लगायततको सहभागिता थियो ।
