मकवानपुर – हेटौंडा–९, स्थित श्रीकृष्ण आदर्श ईङ्लीस बार्डिङ स्कुलमा शुक्रबार निशुल्क आँखा शिविर सम्पन्न भएको छ । रोट्रयाक्ट क्लब अफ हेटौंडाको आयोजना, शान्ति अप्टिकलको सहयोगमा विद्यार्थीहरुको निशुल्क आँखा परिक्षण शिविर तथा सामान्य स्वच्छता जागरुकता कार्यक्रम सम्पन्न भएको हो ।
शिविरमा ५५० जना विद्यार्थीहरुको आँखा परिक्षण गरिएकोमा २४ जना विद्यार्थीको आँखामा समस्या देखिएको विद्यालयका प्रिन्सिपल नवीन केसीले जानकारी दिनुभयो । शिविरमा विद्यार्थीहरुको आँखा परिक्षणसंगै निशुल्क औषधि समेत वितरण गरिएको र उनिहरुहरुलाई स्वच्छता सम्बन्धी सचेतना समेत प्रदान गरिएको उहाँले बताउनुभयो ।
शैक्षिक गुणस्तर बृद्धिका लागि विद्यार्थीहरुको स्वास्थ्य त्यति नै महत्वपूर्ण हुने भएकाले शैक्षिक सत्र २०७९ मा हरेक महिना विभिन्न स्वास्थ्यसम्बन्धी शिविरको आयोजना हुने प्रिन्सीपल केसीले जानकारी दिनुभएको छ । “शैक्षिक गुणस्तरसँगै विद्यार्थीको स्वास्थ्य प्रति पनि हामी त्यति नै गम्भीर छौं, त्यसैले हरेक महिना स्वास्थ्य सम्बन्धी कार्यक्रम सञ्चालन गर्ने गरेका छौं ।” केसीले भन्नुभयो । शिविरमा शान्ति अप्टीकलका आखाँ रोग विशेषज्ञ डा ऋतिक भट्टराईले विद्यँर्थीहरुको आँखा परिक्षण गर्नु भएको थियो । विद्यालयमा करीब ६ सय विद्यार्थी अध्यनरत रहेका छन् ।
