हेटौंडाः जिल्ला प्रहरी कार्यालय मकवानपुरमा कार्यरत प्रहरी नायव उपरिक्षक जयश्वर रिमाललाई बिदाई गरिएको छ । प्रहरी प्रधान कार्यालयले डिएसपी रिमाललाई सरुवा गरेपछि उहाँलाई आज मकवानपुरबाट बिदाई गरिएको हो ।
डिएसपी रिमालको स्थानमा इलाका प्रहरी चापागाउँमा कार्यरत प्रहरी नायव उपरिक्षक टेक बहादुर कार्की आउने भएको जिल्ला प्रहरी कार्यालय मकवानपुरका प्रहरी उपरिक्षक सुरेन्द्र गुरुङले जानकारी दिनुभयो । कार्की सोमबारसम्ममा आइपुग्ने कार्यतालिका रहेको उहाँले बताउनुभयो । अहिले जिप्रका मकवानपुरको प्रवक्ताको जिम्मेवारी प्रहरी निरीक्षक देवेन्द्र दासले सम्हाल्दै आइरहनुभएको छ ।
