मकवानपुर – जिल्ला समन्वय समिति (जिसस) मकवानपुरका प्रमुख रघुनाथ खुलालले स्थानीय तहले जनतालाई प्रदान गर्ने सेवा प्रवाहलाइ थप चुस्त र सहज हुनुपर्ने बताउनुभएको छ । मकवानपुरको कैलाश गाउँपलिकाको नवनिर्मित भवनको बुधबार उदघाटन गर्नुहुँदै प्रमुख खुलालले जनताले सहज र सुलभ सेवा प्राप्त गर्नुपर्ने बताउनुभएको हो ।
प्रमुख खुलालले जनताको लोमो संघर्षबाट उपलब्ध संघियतामा घरघरमा सिंह दरवाको अनुभुति दिलाउनु स्थानीय अर्थात नजिकको सरकारको दाईत्व हुने बताउनुभयो । भवन अभावमा विभिन्न समस्या खेप्दै आएको कैलाश गाउँपालिकाले अब जनताले पाउने आवश्यक सेवा सुविधा सहज र सुलभ रुपमा पाउने वातावरण निर्माण गर्नुपर्ने उहाँको भनाइ थियाे ।
प्रमुख खुलालले जिल्ला समन्वय समितिले स्थानीय तहको उन्नति, प्रगति र प्रभावकारी सेवा प्रवाहलाई आफ्नो उपलब्धीका रुपमा लिएको भन्दै कैलाश गाउँपालिकाले जिल्ला समन्वय समितिबाट प्राप्त बजेटको उचित उपयोग गरेकोमा धन्यवाद व्यवक्त गर्नुभयो । उहाँले स्थानिय तहहरुलाई अधिकार सम्पन्न र विकासमा अगाडी राख्न जिल्ला समन्वय समतिले हरेक क्षेत्रमा समन्वय र सहकार्य गर्दै आएको र आगामी दिनमा समेत त्यसको निरन्तरता रहने प्रतिबद्धता समेत व्यक्त गर्नुभयो । उहाँले समयमै निर्माण सम्पन्न गर्ने निर्माण कम्पनी, जग्गादातालगायत निर्माण प्रकृयामा सहयोग पु¥याउनुहुने सम्पूर्णमा धन्यवाद समेत व्यक्त गर्नुभयो ।
कार्यक्रममा जिल्ला समन्वय समिति मकवानपुरकी उपप्रमुख भगवती पुडासैनीले बिकट ठाउँमा भवन अभावका कारण सरकार संचालनमा समेत समस्या भईरहेको बेला कैलाश गाउँपालिकाकोले भवन निर्माण गरेर राम्रो उपलब्धी हासिल गरेको बताउनुभयो ।
कार्यक्रममा गाउँपालिकाकी कार्यबाहक अध्यक्ष सुकुमाया थिङले पालिकाको विकासमा सहयोग गर्ने सम्पुर्णमा धन्यवाद ब्यक्त गर्नुहुँदै आफुले जनतालाई सधै उत्साहित बनाउने काम गरेको बताउनुभयो । उहाँले स्थानीय जनताले स्थानीय तहबाट उत्कृष्ट सेवा सुविधा पाउनु पर्छ भन्ने विश्वासका साथ काम गरेको उल्लेख गर्नुभयो ।
कार्यक्रममा गाउँपालिकाका प्रमुख प्रशासकिय अधिकृत देवराज चौलागाईले भवनमा सामान्य केहि काम गर्न बाँकी रहेको र त्यो छिट्टै सम्पन्न हुने जानकारी दिनुहुँदै भवन निर्माणसंगै केलाशमा थुपै्र खाले समस्या समाधान भएको बताउनुभयो । उहाँले जिल्ला समन्वय समितिको सहयोगले मात्र भवन निर्माण गर्न सकेको जिकिर गर्दै जिल्ला समन्वय समितिलाई बिषेश धन्यवाद दिनुभयो ।
कैलाश–३ कालिकाटार स्थित २६ कोठे नवनिर्मित प्रशासकिय भवन निर्माणका लागि जिल्ला समन्वय समितिबाट कुल २ करोड बजेट उपलब्ध गराईएको थियो । लागत अनुमान ३ करोड ९७ लाख १४ हजार ९९० रुपैयाँ ९८ पैसा भएपनि सार्वजनिक खरिद ऐन बमोजिक ठेक्का लगाउँदा ३ करोड १८ लाख ५३ हजार ९२५ रुपैयाँ ११ पैसामा २०७७ साल असाढ ७ गते गाउँपालिकाले निर्माण कम्पनी रविन÷अविसा जेभीसंग २०७८ पुष ७ गते सम्पन्न गर्ने गरि सम्झैता गरेको थियो । निर्माण कम्पनीले समयावधी भित्रै भवन निर्माण सम्पन्न गरेर आज उद्घाटन गरिएको हो ।
कार्यक्रममा गाउँपालिका भवन र १० शैयाको अस्पताल निर्माणका लागि करीब १६ रोपनी जग्गा दाताहरुलाई सम्मान समेत गरिएको थियो । गाउँपालिका भवन र अस्पताल निर्माणका लागि स्थानीय रामलाल घलान, गोबिन्द पाठक, सुर्य बहादुर तितुङ, दुर्गा बहादुर स्याङ्तान, सन्चबहादुर स्याङ्तान, सुकुबहादुर स्याङ्तान, सिंगराम घलान र राम बहादुर स्याङ्तानले जग्गा प्रदान गर्नुभएको हो । गाउँपालिकाकी कार्यबाहक अध्यक्ष थिङको अध्यक्षतामा भएको कार्यक्रममा विभिन्न राजनैतिक दलका प्रमुख एवम् प्रतिनिधि, पालिकाका कर्मचारीलगायतको सहभागिता थियो ।
