मकवानपुर – मकवानपुर प्रहरीले ६५ किलो लागूऔषध गाँजासहित २ जनालाई पक्राउ गरेको छ । बिहिबार हेटौंडा उपमहानगरपालिका–१९, नेवारपानी स्थित पूर्वपश्चिम राजमार्गमा मनहरीबाट हेटौंडा तर्फ आउदै गरेको बा ११ च ९५०९ नंबरको स्कारपियो गाडी चेकजाँच गर्दा उक्त गाडीमा लुकाई छिपाई ल्याएको ६५ किलो लागूऔषध गाँजासहित २ जनालाई पक्राउ गरेको हो ।
पक्राउ पर्नेमा स्कारपियोका चालक चितवनको भरतपुर महानगपालिका–२० चनौली बस्ने ३८ वर्षीय रोशन परियार र गाडीमा सवार मकवानपुरको राक्सिराङ गाउँपालिका–६ बस्ने ४३ वर्षीय ललित तामाङ रहेको जिल्ला प्रहरी कार्यलय मकवानपुरले जनाएको छ । उक्त लागूऔषध गाँजा र स्कारपियो सहित उनीहरुलाई नियन्त्रणमा लिई थप अनुसन्धान भईरहेको जिल्ला प्रहरी कार्यलय मकवानपुरका प्रहरी नायव उपरिक्षक जयश्वर रिमालले जानकारी दिनुभयो ।
