हेटाैंडा– आज (जुन ५) अर्थात विश्व वातावरण दिवस विभिन्न कार्यक्रम आयोजना गरेर मनाईदै छ । दिवसको अवसर पारी हेटौंडा लेडि जेसिजले पनि हेटौंडा ८ कमाने स्थित निर्माणाधिन लोकतान्त्रिक एतिहासिक पार्कमा वृक्षरोपण गरेको छ । दिवसको अवसरमा लेडि जेसिजले “One plant for my life” भन्दै निर्माणाधिन ऐतिहासिक लोकतान्त्रिक पार्कमा विभिन्न फल फुलका बिरुवा वृक्षारोपण गरिएको हो।
लेडि जेसिजले एभोकार्ड़ो, अमला, तेजपत्ता, इमिली, हर्रो, बर्रो, चन्दन, बेल, सर्पगन्धा, आँप, कटहर, स्वामि, धुपीलगाएतका १०५ वटा बिरुवा रोपेको छ । ८ नम्बर वडा अध्यक्ष गोपाल बहादुर श्रेष्ठको प्रमुख अतिथ्यतामा र जेसि रन्जिता बिस्टको संयोजकत्वमा भएको कार्यक्रममा शाखा अध्यक्ष जेसी प्रतिमा श्रेष्ठ, पूर्वअध्यक्ष जेसी रश्मि बस्नेत, टोल बिकासका अध्यक्ष, आमा समूह, वडाका टोल समन्वय र जेसिज पदाधिकारीहरुको उपस्थित रहेको थियो ।
