छिल्लो २४ घण्टामा एक सय १२ महिला र दुई सय ६ पुरुष गरी थप तीन सय १८ जनामा कोरोना भाइरस सङ्क्रमण देखिएको छ । पाँच हजार १२ स्वाब परीक्षण गर्दा तीन सय १८ जनामा कोरोना भाइरस सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
अहिलेसम्मको कोरोना सङ्क्रमितको सङ्ख्या दुई लाख ६८ हजार तीन सय १० मध्ये दुई लाख ६२ हजार ६ सय ४२ जना निको भएका छन् । बुधवार थप तीन सय ८३ जना डिस्चार्ज भएसँगै निको हुने दर ९७ दशमलव ९ प्रतिशत पुगेको छ । अहिलेसम्म २० लाख २६ हजार सात सय २६ जनाको आरटीरपीसीआर परीक्षण गरिएको छ । गएको २४ घण्टामा थप ६ जनाको ज्यान गएसँगै अहिलेसम्म सङ्क्रमणका कारण ज्यान गुमाउनेको सङ्ख्या एक हजार नौ सय ७५ पुगेको छ ।
