मकवानपुर– हेटौंडा उपमहानगरपालिका–७ न्युरेनीमा आज दिउसो मोटरसाईकल दुर्घटनामा परि घाईते भएका मध्ये एक जनाको मृत्यु भएको छ । दुर्घटनामा घाईते भएका दुईजना मध्ये मोटरसाईकलमा पछाडी सवार मकवानपुरको बकैया गाउँपालिका–५ राजदमारका ३१ वर्षीय ईन्द्र बहादुर थिङको उपचारका क्रममा मृत्यु भएको हो ।
कान्तिलोकपथ स्थित हेटौंडा–चौघडा सडकखण्डको न्यूरेनीमा रोकिराखेको ट्रिपरमा मोटरसाइकल ठोक्किएर दुर्घटना हुँदा गम्भीर भाईते भएका थिङको हेटौंडाको चुरेहिलमा उपचारका क्रममा मृत्यु भएकाे जिल्ला प्रहरी कार्यलय मकवानपुरका प्रहरी नायव उपरिक्षक ईन्द्र बहादुर रानाले जानकारी दिनुभयो ।
त्यस्तै दुर्घटनामा घाइते मोटरसाईकल चालक सोहि स्थानका २१ वर्षीय जयन्त घलानको हेटौंडा अस्पतालमा उपचार भईरहेको प्रहरीले जनाएको छ । आज दिउँसो हेटौंडाबाट बकैया तर्फ जाँदै गरेको ना १५ प ५१७० नम्बरको मोटरसाईकल अनियन्त्रित भई रोकि राखेको ना ६ ख ६७५३ नम्बरको टिपरसंग ठाक्किएर दुर्घटना भएको थियो ।
