मकवानपुर– मकवानपुर प्रहरीले एक क्विन्टल भन्दा बढि लागु औषध गाँजासहित तीन जनालाई पक्राउ गरेको छ । प्रहरी चौकी सुनाचुरीबाट खटिएको टोलीले विशेष सुचनाको आधारमा आज बिहान एक क्विन्टल ४ किलो गाँजा सहित तीन जनालाई पक्राउ गरेको हो ।
प्रहरीले लागु औषध गाँजासहित राक्सिराङ– ९ बस्ने २६ वर्षिय कपिल भन्ने रुप खड्का ठकुरी, सोहि स्थानका ३० वर्षिय टलक बहादुर घलान र वडा नम्बर ४ का २७ वर्षिय मदन कोईरालालाई पक्राउ गरेको हो । मनहरी–६ स्थित लोथर खोलाको बगरको बाटोमा प्लास्टिकको बोराको भारी बनाई ल्याएको भारी चेकजाँच गर्दा एक क्विनटल ४ किलो लागु औषध गाँजासहितथ उनिहरुलाई पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायव उपरिक्षक ईन्द्र बहादुर रानाले जानकारी दिनुभयो । लागु औषध गाँजा सहित पक्राउ परेका उनिहरु बिरुद्ध अनुसन्धान भइरहेको उहाँले बताउनुभयो ।
