हेटौंडा,साउन,१४ कर्मचारी मिलन केन्द्र (अफिसर्स क्ल्ब) मकवानपुरले आज भेरी भेटौंला कार्यक्रम आयोजना गरेको छ । जिल्लाका विभिन्न कार्यालयमा कार्यरत रही अन्य जिल्लामा सरुवा भएर जान लागेका क्लबका सदस्यहरु कार्यालय प्रमुख तथा कर्मचारीहरुको मंगलबार संयुक्त रुपमा विदाई गरेको हो ।
कर्मचारी मिलन केन्द्रले अन्य जिल्लामा सरुवा भएर जाने कर्मचारीलाई फेरी भेटौंला कार्यक्रम गरेर विदाई गर्ने गरेको छ । मंगलबार एक कार्यक्रमकाबिच सशस्त्र प्रहरी बल नेपाल १४ नम्बर गणबाट सशस्त्र प्रहरी बल प्रधान कार्यालयमा सरुवा हुनुभएका सशस्त्र प्रहरी उपरिक्षक श्याम कोईराला, सशस्त्र प्रहरी बल २३ नम्बर गुल्मबाट सशस्त्र बल काठमान्डौंमा सरुवा हुनुभएका प्रहरी नायव उपरिक्षक सुमन जंग थापा र सशस्त्र प्रहरी बल नेपाल १४ नम्बर गणबाट सशस्त्र प्रहरी बल गुल्म पर्सामा सरुवा हुनुभएका प्रहरी नायव उपरिक्षकद्धय राज कुमार श्रेष्ठ र अमर बहादुर खत्रीलाई विदाई गरिएको हो ।
केन्द्रका अध्यक्ष राम कृष्ण थापाको अध्यक्षतामा भएको कार्यक्रममा जिल्ला समन्वय समितिमकवानपुरकी उपप्रमुख भगवति पुडासैनीको प्रमुख आतिथ्यता रहेको थियो । कार्यक्रममा कर्मचारी मिलन केन्द्र मकवानपुरका संरक्षक एवम प्रमुख जिल्ला अधिकारी आश्मान तामाङ्, जिल्ला प्रहरी कार्यालय मकवानपुरका प्रहरी उपरिक्षक मुकेश कुमार सिंहलगायत विभिन्न कार्यालयका प्रमुखहरुको सहभागिता रहेको थियो । सरुवा भएर जानुहुने कर्मचारीहरुलाई आगामि कार्यकालको शुभकामनासहित मायाको चिनो समेत प्रदान गरिएको थियो ।
