नेपाल प्रज्ञा–प्रतिष्ठानले राष्ट्रिय कविता महोत्सव–२०७७ स्थगित भएको जनाएको छ । प्रतिष्ठानले सूचना निकालेर कोरोना महामारीका कारण ६३ औँ वार्षिकोत्सव तथा राष्ट्रिय कविता महोत्सव स्थगित भएको जानकारी दिएको हो ।
प्रतिष्ठानले पर्सि ९ गते कविता महोत्सव गर्ने तय भएको थियो । महोत्सवका लागि १५० शब्दसम्मको कविता जेठ २५ गतेसम्म पठाउन भनिएको थियो । महोत्सवका लागि पाँच सय दुई कविता प्राप्त भएको छ । कार्यक्रम स्थगित भएपछि प्राप्त कवितालाई गोप्य लाहाछाप सहित खामबन्दी गरी सुरक्षित राखिएको प्रज्ञा–प्रतिष्ठानका सदस्य सचिव प्राध्यापक जगतप्रसाद उपाध्यायले बताउनुभयो ।
