मकवानपुर– हेटौंडामा बुधबार साँझ ट्रिपरले स्कुटरलाई ठक्कर दिँदा नेपाल प्रहरीका हवल्दारको मृत्यु भएको छ । हेटौंडा उपमहानगरपालिका–१ स्थित राप्तीपुल नजिकै ट्रिपरले ठक्कर दिँदा अख्तीयार दुरुपयोग अनुसंधान आयोगको कार्यालय हेटौँडामा कार्यरत नेपाल प्रहरीका हवल्दार केशरदोर्जे थिङको मृत्यु भएको हो ।
पुर्व पश्चिम राजमार्ग अन्र्तगत हेटौँडा–१ राप्तीपुल नजिकै टिपरले थिङ सवार स्कुटरलाई ठक्कर दिँदा गम्भीर घाइते भएका उनको हेटौंडा अस्पतालमा उपचारका क्रममा मृत्यु भएको हो । हेटौंडा बजारबाट नवलपुर तर्फजादै गरेको ना ८ ख ७५५८ टिपरले विपरीत दिसाबाट आउदै गरेको प्रदेश ३–०२–१२ प १३३८ नम्बरको थिङ सवार स्कुटरलाई ठक्कर दिँदा उनि गम्भीर घाइते भएका थिए । उनको उपचारको क्रममा हेटौँडा अस्पतालका मृत्यु भएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायव उपरिक्षक इन्द्रबहादुर रानाले जानकारी दिनुभयो ।
