हेटाैंडा । राष्ट्रिय सभा निर्वाचनका लागि नेकपा (एमाले) ले १९ वटै सिटमा उम्मेदवारीको टुङ्गो लगाएको छ । एमालेको केन्द्रीय कार्यालयका अनुसार सात प्रदेशका १९ सिटमै उम्मेदवारीको टुङ्गो लगाएर टिकटसमेत दिइसकेको छ ।
शुक्रबार बसेको एमालेको २६ औँ सचिवालय बैठकले उम्मेदवारीको अन्तिम टुङ्गो लगाउने जिम्मा अध्यक्ष केपी शर्मा ओलीलाई दिएको थियो । माघ ११ गते हुने राष्ट्रिय सभाको निर्वाचनका लागि सोमबार उम्मेदवारी दर्ता गर्नुपर्ने छ ।
फागुन २० गते राष्ट्रिय सभाका २० सांसदहरूको पदावधि सकिँदैछ । कार्यकाल सकिने एक महिनाअघि निर्वाचन गर्नुपर्ने संवैधानिक व्यवस्थाअन्तर्गत माघ ११ गते निर्वाचन हुन लागेको हो ।
उम्मेदवारकाे नामावली हेर्नुहाेस् ।
