मकवानपुर । मकवानपुरमा मोटरसाइकल दुर्घटना हुँदा एक जनाकाे ज्यान गएकाे छ । मकवानपुरको बागमती गाउँपालिका–७ लामीटारमा गएराति भएकाे दुर्घटनामा माेटरसाइकल चालक बागमती गाउँपालिका–६ ठाडीखोला बस्ने २२ वर्षीय सन्तोष दर्लामीको ज्यान गएकाे हाे ।
मदन भण्डारी लोकमार्ग अन्तर्गत झुरझुरेबाट हेटौँडातर्फ आउँदै गरेको ना ३० प ३४८१ नम्बरको मोटरसाइकल अनियन्त्रित भइ बिजुलीको पोलमा ठाेक्किर दुर्घटना भएकाे थियाे । दुर्घटनापरि घाइते दर्लामीकाे उपचारका क्रममा काठमाण्डौको न्युरो अस्पतालमा ज्यान गएकाे जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिनुभयो । साेहि दुर्घटनापरि घाइते भएका २२ वर्षीय प्रदीप लोप्चन उपचारपछि घर फर्किएकाे भण्डारीले बताउनुभयाे ।
