मकवानपुर । मकवानपुरमा पहिलाे पटक क्रिक्सल (क्रिकेट) प्रतियोगिता हुने भएको छ । हेटौंडा उपमहानगरपालिका ४ नम्बर वडा कार्यालयले जिल्लामै पहिलाे पटक जिल्ला स्तरीय खुल्ला ६ ए साइड क्रिक्सल प्रतियोगिता गर्न लागेकाे साेमबार हेटाैंडामा पत्रकार सम्मेलन गरेर जानकारी दिएकाे हाे ।
हेटौंडा–४ स्थित हेटौंडा फुटसल मैदानमा हुने क्रिकेट प्रतियाेगिता यही असोज २८ घटस्थापना देखि सुरु भई भोलिपल्ट २९ गतेसम्म संचालन हुने जानकारी दिइएकाे छ । प्रतियाेगितामा प्रथम पुरस्कार २५ हजार रुपैयाँ र द्धितिय पुरस्कार १५ हजार रुपैयाँ राखिएको छ । भने, प्रतियाेगिता संचालनका लागि कुल खर्च १ लाख ५५ हजार रुपैयाँ लाग्ने अनुमान गरिएको छ ।
कार्यक्रममा ४ नम्बर वडाध्यक्ष नवीन सिग्देलले क्रिकेट खेललाई प्रर्वद्धन गर्न वडाले क्रिक्सलको आयोजना गर्न लागेको बताउनुभयो । यूवाहरुलाई सम्भावित र्दुव्यसनीबाट टाढा राख्न र मनोरञ्जनात्मक क्रियाकलाप प्रति उत्प्रेरित गर्न वडाले यूवा विशेष खेलको आयोजना गर्न लागेको उहाँको भनाई छ । भाैतिक विकासलाइ मात्र विकास मान्न नसकिने भन्दै उहाँले वडाले शिक्षा, स्वास्थ्य, खेलकुदलाई उत्तिकै महत्व दिएर काम गरिरहेकाे बताउनुभयाे ।
