मकवानपुर– जिल्ला समन्वय समिति मकवानपुरका प्रमुख एवम् नेपाल कम्युनिस्ट पार्टी (नेकपा) का प्रदेश सदस्य रघुनाथ खुलालले भावनात्मक रूपमै एक भएर पार्टीलाई अगाडी बढाउनु पर्ने बताउनुभएको छ । नेपाल कम्युनिस्ट पार्टी (नेकपा) हेटौंडा–९ नम्बर वडा कमिटीको पहिलो पुर्ण बैठकका अवसरमा उहाँले पार्टिमा भावनात्म एकता मज्बुत बनाएर लान आग्रह गर्नुभएको हो ।
विश्वलाई चकित पार्ने गरि शान्तिपूर्ण र सशस्त्र संघर्षको अलग–अलग धारमा अघि बढेको राजनीतिक शक्तिबीच एकता भएको भन्दै प्रमुख खुलालले यसलाई संस्थागत र सार्थक बनाउन कार्यकर्ताहरुले भावनात्मक रुपमै एक भएर अगाडी बढ्नुपर्ने बताउनुभयो । एकता प्रकृयाले पार्टी केहि पछाडी परेको भन्दै उहाँले त्यस्लाइ सुधार्न जरुरी रहेको समेत उहाँले बताउनुभयो । साे अवसरमा उहाँले पार्टीकाे सपथ लिन बाँकी पार्टी वडा सदस्यहरूलाइर् सपथ समेत गराउनुभएकाे थियाे ।
नेपाल कम्युनिस्ट पार्टी (नेकपा) ९ नम्बर वडा कमिटीका अध्यक्ष सुर्य बहादुर स्याङ्तानको सभाध्यक्षतामा भएको कार्यक्रममा पार्टी हेटौंडा नगर इन्चार्ज श्रीधर पोखरेललगायत नेकपाका जिल्ला स्थीत नेताहरुको उपस्थिती थियो । पहिलो बैठकमा वडा कमिटिको परिचय तथा आगामी कार्यदिशाका बारेमा छलफल भएको वडा कमिटी अध्यक्ष स्याङतानले बताउनुभयो ।
