मकवानपुर । बागमती प्रदेशका प्रदेश प्रमुख यादवचन्द्र शर्माले प्रदेश सरकारको मन्त्रिपरिषद् पुनःगठन एवम् कार्यविभाजन गर्नु भएको छ । प्रदेश प्रमुख शर्माले बिहीबार नेपालको संविधानको धारा १६८ को उपधारा (९) बमोजिम मुख्यमन्त्री शालिकराम जम्कट्टेलको सिफारिसमा मन्त्रिपरिषद् पुनःगठन एवम् कार्यविभाजन गर्नुभएको प्रदेश प्रमुख कार्यालयका प्रवक्ता गाेविन्द पाैडेलले जानकारी दिनुभयाे ।
बागमती प्रदेश सरकारमा बहादुरसिं लामालाई आर्थिक मामिला तथा योजना मन्त्रालय, गङ्गानारायण श्रेष्ठलाई आन्तरिक मामिला तथा कानून मन्त्रालय, कुमारी मोक्तानलाई सामाजिक विकास मन्त्रालय, युवराज दुलाललाई भौतिक पूर्वाधार विकास मन्त्रालय, तीर्थबहादुर लामालाई खानेपानी, ऊर्जा तथा सिँचाइ मन्त्रालयको जिम्मेवारी प्रदान गरिएको छ ।
त्यसैगरी रामकृष्ण चित्रकारलाई उद्योग, वाणिज्य, भूमि तथा प्रशासन मन्त्रालय, डा राजेन्द्रमान श्रेष्ठलाई कृषि तथा पशुपक्षी मन्त्रालय, लक्ष्मण लम्साललाई श्रम, रोजगार तथा यातायात मन्त्रालय, पुकार महर्जनलाई संस्कृति, पर्यटन तथा सहकारी मन्त्रालय, उत्तम जोशीलाई स्वास्थ्य मन्त्रालय र मसिना खड्कालाई वन तथा वातावरण मन्त्रालयको जिम्मेवारी दिएको छ । सरकारमा मुख्यमन्त्री तथा मन्त्रिपरिषद्को कार्यालयसहित १२ मन्त्रालय रहेका छन् । यसअघि मन्त्तिपरिषद बैठकले करीब ३ महिना पछि रामकृष्ण चित्रकारलाई प्रदेशको उद्योग, वाणिज्य, भूमि तथा प्रशासन मन्त्रालयको जिम्मेवारी दिएको थियो ।