शहीद स्मारक ए डिभिजन लिग फुटबल अन्तर्गत आज (शुक्रबार) दुई खेल हुँदैछ । दुवै खेल त्रिपुरेश्वरस्थित दशरथ रङ्गशालामा हुनेछ सो दिउँसो २ बजे शुरु हुने पहिलो खेलमा नेपाल पुलिस क्लब र एफसी खुमलटारबीच प्रतिस्पर्धा हुनेछ ।
२० खेलमा २५ अङ्क जोडेर १० औं स्थानमा रहेको पुलिस आठौँ जित हात पार्ने दाउमा छ । २० खेलमा २१ अङ्क जोडेर पुछारमा रहेको खुमलटार सातौँ जितको खोजीमा हुनेछ । यस्तै दोस्रो खेलमा हिमालयन शेर्पा क्लब र थ्री स्टार क्लबबीच प्रतिस्पर्धा हुनेछ । दुई टोलीबीचको खेल साँझ ६ बजे शुरु हुनेछ । २० खेलमा २६ अङ्क जोडेर आठौँ स्थानमा रहेको हिमालयन आज सातौँ जितको खोजीमा रहनेछ । २० खेलमा २६ अङ्क जोडेर छैटौँ स्थानमा रहेको थ्री स्टार सातौँ जितको योजनामा छ ।
