धादिङमा गुडिरहेको बसमा आगलागी भएको छ । नीलकण्ठ नगरपालिका–१ पात्लेबाट काठमाण्डौ जाँदै गरेको ग १ ख ४८४६ नम्बरको बस धुनिबेसी–९ गणेशस्थानमा पुग्दा एक्कासी आगो लागेर जलेको प्रहरीले जनाएको छ ।
बसको इञ्जिनबाट धुवाँ आउनेबित्तिकै यात्रुलाई बाहिर निकालिएको र मानवीय क्षति हुन नपाएको पनि प्रहरीले जानकारी दिएको छ । बसमा रहेका ३३ जना यात्रु सुरक्षित रहेका छन् । दमकल र स्थानीयवासीले आगाे निभाए पनि बस भने जलेर काम नलाग्ने अवस्थामा पुगेको छ ।
