मकवानपुर – मकवानपुर प्रहरीले लागूऔषध विनरेक्ससहित २ जनालाई पक्राउ गरेको छ । प्रहरीले हेटौंडा उपमहाजगरपालिका वडा नम्बर १५ रातोमाटे बिक्रम चोकबाट हेटौंडा–११ थानाभर्याङका ३२ वर्षीय बुद्व गोङ्बा र सोहि स्थानका २६ वर्षीय ईन्द्र बहादुर अधिकारीलाई लागूऔषध विनरेक्ससहित पक्राउ गरेको हो ।
विशेष सूचनाको आधारमा जिल्ला प्रहरी कार्यालय र ईलाका प्रहरी कार्यालय पशुपतनिगरबाट खटिएको प्रहरी टोलिले बिरगंजबाट हेटौंडा कमानेतर्फ जाँदै गरेको ना २६ प ५८४३ नम्बरको मोटर साइकललाई रोकि सुरक्षा जाँच गर्दा ट्याङकिमा फल्सबटम बनाई लुकाई छिपाई ल्याएको लागूऔषध विनरेक्स फेला पारेको जनाईएको छ । उक्त लागुऔषध र मोटरसाइकलसहित दुबै जनालाई नियन्त्रणमा लिई अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
