मकवानपुर – मकवानपुर प्रहरीले हेटाैंडाबाट चोरीको २ वटा मोटरसाइकलसहित २ जनालाई पक्राउ गरेको छ । जिल्ला प्रहरी कार्यालय मकवानपुरबाट खटिएको प्रहरी टोलीले आइतबार दिउँसो हेटौंडा–१० बसपार्कमा सवारीसाधनहरु रोकी सुरक्षा जाँच गर्ने क्रममा २ जनालाई पक्राउ गरेको हो ।
प्रहरीले सुरक्षा जाँच गर्ने क्रममा बागमती प्रदेश ०२–०१९ प १४७१ नम्बरको २०० सीसीको बजाज पल्सर (एनएस) मोटरसाइकल र चालक मकवानपुरको बागमती गाउँपालिका–४ राईगाउँका २३ वर्षीय बिछोड लामा र बागमती प्रदेश ०२–०३६ प ९९१६ नम्बरको २२० सीसीको पल्सर मोटरसाइकलसहित बकैया गाउँपालिका–२ का ३३ वर्षीय तीर्थमान लामा भोलनलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ । नियन्त्रणमा लिइएको मोटर साइकलसहित कारबाहीका लागि लामा र भोलनलाई प्रहरी बृत्त बौद्ध, काठमाडौं पठाइएको जिल्ला प्रहरी कार्यालय मकवानपुरका प्रहरी नायब उपरिक्षक टेक बहादुर कार्किले जानकारी दिनुभयो ।
