नेपाल स्काउट हेटौंडा उपमहानगरपालिका समितिको आयोजना तथा हेटौंडा उपमहानगरपालिकाको सहयोगमा हेटौंडा उपमहानगरपालिका स्तरीय स्काउट गाँठो तथा “स्काउट शिक्षा किन” भन्ने विषयमा निबन्ध प्रतियोगिता सोमबार सम्पन्न भएको छ। प्रतियोगिताको निबन्ध तर्फ भूमिका दाहाल र गाँठो तर्फ रान्जिला गोले प्रथम भएका छन् । निबन्ध प्रतियोगितामा हिरा कुमार गिरी द्वितीय, रोशन ढकाल तृतीय र प्रिती केसरी सान्त्वना भएका छन् । त्यसैगरी, गाँठोमा सचिन्द्र यादव द्वितीय, सौगात तिमल्सिना तृतीय र अर्जुन ठाकुर सान्त्वना हुन सफल भएका छन् । निबन्ध र गाँठो प्रतियोगितामा प्रथम, द्वितीय, तृतीय र सान्त्वना हुनेहरुलाई क्रमशः ५ हजार, ४ हजार, ३ हजार र २ हजार रुपैयाँ राशिसहित पुरस्कृत गरिएको छ ।
निबन्धमा मनोज पोखरेल, अशोक सारु मगर र उमेश पुरीले निर्णायक भूमिका निर्वाह गरेका थिए भने गाठो प्रतियोगिता तर्फ महेन्द्र राना, अनिल आचार्यले निर्णायकको भुमिका निर्वाह गरेका थिए । स्काउटर सुमि लामाले सन्चालन गर्नु भएको कार्यक्रम हेटौंडा उपमहानगरपालिका स्काउट तदर्थ समितिको संयोजक दिपेन्द्र रोक्काको सभाध्यक्षता तथा प्रदेश युवा परिषद्का कार्यकारी उपाध्यक्ष सन्तोष चौलागाईको प्रमुख आतिथ्यतामा भएको प्रतियोगितामा नेपाल स्काउट बागमती प्रदेशका सदस्य महेन्द्र राना मगर, नगर समिति सदस्य अनिल आचार्य,हिरा बर्तौला,मुकेश मिश्र ,बुद्धिनाथ न्यौपाने लगायतको उपस्थिति रहेको थियो ।
