अहिले देशभर मनसुनी वायुको प्रभाव रहेको मौसमविदले बताएका छन् । जसको प्रभावका कारण देशभर आंशिकदेखि सामान्य बदली रही प्रदेश-१, लुम्बिनी प्रदेश र गण्डकी प्रदेशका केहि स्थानहरूमा हल्का वर्षा भइरहेको छ । आज देशभर आंशिकदेखि सामान्य बदली रहने जनाइएको छ । देशका पहाडी भू-भागका धेरै स्थानहरूमा हल्कादेखि मध्यम वर्षाको सम्भावना रहेको छ । देशका तराई क्षेत्रका केहि स्थानमा हल्का वर्षाको सम्भावना छ ।
त्यस्तै आइतबार पनि देशका धेरै स्थानहरूमा हल्कादेखि मध्यम वर्षाको सम्भावना रहेको छ । सुदूरपश्चिम प्रदेश र लुम्बिनी प्रदेशका एक-दुई स्थानहरूमा भारी वर्षाको समेत सम्भावना रहेको मौसमविदले जानकारी दिएका छन् । सोमबार भने देशभर आंशिकदेखि सामान्य बदली रहनेछ । देशका केहि स्थानहरूमा हल्कादेखि मध्यम वर्षाको सम्भावना रहेको छ । गण्डकी प्रदेश र लुम्बिनी प्रदेशका का एक-दुई स्थानहरूमा भारी वर्षाको समेत सम्भावना रहेको छ ।
