हेटौंडा । मकवानपुरको बकैया गाउँपालिका वडा नंबर ४ मा नेकपा एमालेबाट वडा अध्यक्षका उम्मेद्वार राजन दंगालको प्यानलनै विजयी भएको छ । केहिबेर अघि,सार्वजनिक भएको मतपरिणाम अनुसार वडा अध्यक्षका उम्मेद्वार दंगाल ११११ मत सहित निर्वाचित भएका हुन् । दंगाल दोस्रो कार्यकालका लागि निर्वाचित भएका हुन् ।
२०७४ मा भएको स्थानीय निर्वाचनमा पनि उनि नेकपा एमालेबाट वडा अध्यक्षमा विजयी भएका थिए । दंगालका प्रतिस्पर्धी नेकपा माओवादी केन्द्रका विमल नेपालले ७८९ मत पाउँदा नेपाली कांग्रेसका अर्जुन प्रसाद तिमल्सिनाले ६५६ मत पाए । यसैगरि,राप्रपाबाट वडा अध्यक्षका उम्मेद्वार तेज प्रसाद चौलागाईले ३८ मत ,जनता समाजवादी पार्टी, नेपालका वाल कुमार माझीले ५ मत पाए । यसैगरि,बकैया ४ को वडा सदस्यहरुमा पनि एमालेका उम्मेद्वारहरु विजयी भएका छन् ।
