file photo

मकवानपुर – मकवानपुरमा बिहीबार टाटा सुमो र मोटर साईकल ठोक्किएर दुर्घटना हुँदा एक जनाको मृत्यु भएको छ । त्रिभुवन राजपथअन्तर्गत मकवानपुरको भिमफेदी गाउँपालिका–१, मा टाटा सुमो र मोटरसाइकल ठोक्किएर दुर्घटना हुँदा मोटरसाइकल चालकको मृत्यु भएको जिल्ला प्रहरी कार्यालय मकवानपुरले जनाएको छ ।
बिहीबार दिउँसो हेटौंडाबाट भैंसेतर्फ जाँदै गरेको ना १ ज ३४७२ नम्बरको सुमो र भैंसेबाट हेटौंडातर्फ जाँदै गरेको ना ४९ प २५५६ नम्बरको मोटरसाइकल एक–आपसमा ठोक्किएर दुर्घटना हुँदा मोटरसाइकल चालक हेटौंडा–८, कमानेका प्रमोदकुमार रिमालको मृत्यु भएको जिल्ला प्रहरी कार्यालय मकवानपुरले जानकारी दिएको छ । प्रहरीले दुर्घटना हुने दुवै सवारी साधन र सुमोका चालक काठमाडौं–१४, बल्खु का ३९ बर्षीय अर्जुन भण्डारीलाई नियन्त्रणमा लिएको छ ।