मकवानपुर – नेपालकै दोस्रो बालमैत्री घोषणा भएको बकैया गाउँपालिकाले शनिबार घोषणाको प्रथम वार्षिकोत्सव मनाएको छ । बामैत्री गाउँपालिका घोषणा भएको प्रथम वार्षिकोत्सवका अवसरमा बाल सञ्जाललाई खेलसामग्री वितरण, वक्तृत्वकला प्रतियोगिता गर्नुका साथै बालअधिकार संरक्षणके क्षेत्रमा क्रियाशील व्यक्तिलाई सम्मान गरेको छ ।

May be an image of 7 people, people sitting, people standing and indoor

२०७६ साल माघ २९ गते बकैया गाउँपालिका नेपालकै दोस्रो बालमैत्री पालिका घोषणा भएको थियो । शनिबार वार्षिकोत्सवको अवसरमा गाउँपालिकाले वडा बाल सञ्जाललाई ५० हजार रुपैयाँ बराबरको खेलकुद सामग्री वितरण गरेको गाउँपालिकाले जनाएको छ ।

May be an image of 3 people and people standing

वार्षिकोत्सवका अवसरमा ‘सबै पक्षको सरोकार, बालमैत्री व्यवहार हाम्रो अधिकार’ विषयक् वक्तृत्वकला प्रतियोगितामा कालीदेवी माविका सिमोन मोक्तान प्रथम, प्रभात माविकी डोल्मा पाख्रिन द्वितीय, जनजागृति माविकी भावना दोङ तृतीय र जनक माविकी संगीता गुरुङ सान्त्वना हुनु भएको छ ।
वार्षिकोत्सवका अवसरमा गाउँपालिकाले बालअधिकारकर्मी सिविन बालहेल्पलाइन हेटौंडाका प्रमुख झविन्द्र ज्ञवाली र मामाघर नेपालका संरक्षक अर्पण पराजुली र स्थानीय बालअधिकारकर्मी भक्त भोलनलाई सम्मान गरेको हो ।

May be an image of 9 people, people sitting, people standing and indoor

प्रथम वार्षिकोत्सवका अवसरमा गाउँपालिकालाई बालमैत्री सुनिश्चतताका लागि गर्नुपर्ने विभिन्न कृयाकलापका विषयमा समेत छलफल भएको छ । गाउँपालिकाले घोषणाका बखर ३९ वटा सुचकमा काम गरेको भएपनि हाल बालमैत्रीका सूचकहरु ५१ व्टा पुगेको र सो क्षेत्रमा समेत काम गरेर आगामी जेष्ठसमम्मा बालमैत्री सुनिश्चितता गर्ने योजनाका साथ काम गरिरहेको छ ।
बालमैत्री बकैया गाउँपालिकाको अध्यक्ष सिमोन भोलनको अध्यक्षतामा भएको वार्षिकोत्सव कार्यक्रममा गाउँपालिकाका अध्यक्ष दामोदर खनाल,गाउँपालिकाकी उपाध्यक्ष सरला बोलखे, प्रमुख प्रशासकीय अधिकृत लक्ष्मण पुडासैनीलगाएतको आतिथ्यता रहेको थियो ।