मकवानपुर- हेटौँडामा आज साँझ अटोमा आगलागी हुँदा एक जना घाइते भएका छन । हेटौँडा–९ स्थित कुखरेनी खोला नजिक अचनाक अटोमा आगलागी हुँदा एकजना घाइते भएका हुन् ।
हेटौँडाबाट पदमपोखरीतर्फ जाँदै गरेको ना१ह ७०८६ नम्बरको अटोको व्याट्री एक्कासी सर्ट भई आगलागी भएको प्रहरीले जनाएको छ । आगलागीबाट अटो चालक हेटौँडा–१२ का ३३ बर्षीय राजु तामाङ सामान्य घाइते भएका छन् । परिवार लिएर घरतर्फ जाँदै गरेको अवस्थामा अटोमा आगलागी भएको थियो । अटोको पछाडिको भागमा क्षति पुगेको छ । प्रहरी र स्थानीयले आगो निभाएका थिए ।
