हेटौंडा – मकवानपुर प्रहरीले आइतबार ट्राफिक नियम उल्लङ्घन गर्ने ६४ वटा सवारी साधनलाई कारवाही गरेको छ । आईतबार जिल्ला प्रहरी कार्यालय मकवानपुर, जिल्ला ट्राफिक प्रहरी कार्यालय मकवानपुर र मातहत कार्यालयबाट खटिएको प्रहरी टोलीले विभिन्न स्थानमा ट्राफिक नियम उल्लङ्घन गर्ने ६४ वटा सवारी साधनलाई कारवाहि गरेको हो । प्रहरीले जिल्लाको भिमफेदी, मनहरी, हेटौडालगायत विभिन्न स्थानमा गरेको चेकजाँचका क्रममा ट्राफिक नियम उल्लङ्घन गर्ने टिपर, अटो, मोटरसाईकललगायत सवारी साधानलाई कारवाहि गरिएको जिल्ला प्रहरी कार्यालय मकवानपुरका प्रहरी नायब उपरिक्षक जयश्वर रिमालले बताउनुभयाे ।
