मकवानपुर- मकवानपुर प्रहरीले हेटौंडा–१५ स्थित चुरीयामाई नयाँ वस्तीबाट गोली हानेर गाँजा तस्करलाई नियन्त्रणमा लिएको छ । सुरक्षाजाँच गर्न ट्रकमा चढेका प्रहरी र गाँजा बोकेको ट्रक भागेपछी मकवानपुर प्रहरीले तस्कर र गाँजा नियन्त्रणमा लिन दुई राउन्ड गोली प्रहार गरेको हो ।
प्रहरीले गोली हानेर एकजना गाँजा तस्कर र गाँजा वरामद गरेको छ । पक्राउ पर्नेमा पर्सा जिल्ला विरगंज महानगरपालिका २९ का अफ्रिका चौधरी रहेको गरिएको जिल्ला प्रहरी कार्यालय मकवानपुरका प्रहरी उपरिक्षक मुकेश कुमार सिंहले जानकारी दिनुभएको छ । हेटौंडाबाट पथलैया तर्फ जाँदै गरेको ना ६ ख १३१ नम्बरको ट्रक सुरक्षा जाँच गर्ने क्रममा ट्रकका चालक चौधरीले प्रहरी जवान सहित ट्रक्र भगाएका थिए । चालक चौधरी र ट्रकमा रहेका अर्का एक व्यक्तिले चुरियामाई नयाँ बस्तिमा ट्रक रोकि प्रहरी जवानलाई लछार-पछार गर्दै जंगल तर्फ लैजादै गर्दा प्रहरीले उनलाई पछ्याएको थियो ।
इलाका प्रहरी कार्यालय पशुपतिनगरका प्रहरी निरिक्षक अरुण कुमार कुशवहाको नेतृत्वको खटीएको टोलीले चालक चौधरीलाई नियन्त्रणमा लिने क्रममा खुट्टामा दुई राउण्ड गोली प्रहार गरेको हो । घटनामा दुईजना प्रहरी समेत घाइते भएको प्रहरी उपरिक्षक सिंहले आज पत्रकार सम्मेलन मार्फत जानकारी दिनुभयो । ट्रकको क्याविनबाट प्रहरीले १४ पोकामा रहेको ७८ किलो ८ सय ग्राम लागुऔषध गाँजा बरामद गरेको छ ।
