हेटौंडा – मकवानपुरमा थप ५७ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा १ सय २५ जनामा पिसिआर र ७४ जनामा एन्टीजेन परीक्षण गर्दा क्रमश ४० जना र १७ जना गरी थप ५७ जनामा कोरोना पुष्टि भएको स्वास्थ्य कार्यलय मकवानपुरले जनाएको छ । यो संगै जिल्लामा हालसम्म कोरानो पुष्टि हुनेको संख्या १२ हजार ५ सय ६ पुगेको कार्यलयले जनाएको छ ।
यसैगरि जिल्लामा पछिल्लो २४ घण्टामा ३० जनाले कोरोना जितेका छन् । यो संगै कोरोना जित्नेको संख्या ११ हजार ७ सय ७४ पुगेको कार्यलयले जनाएको छ । जिल्लामा हाल ५ सय ४९ जना सक्रिय संक्रमित उपचाररत रहेका छन् । जस मध्ये ५ सय ८ जना होम आइसोलेसनमा र ४१ जना संस्थागत आइसोलेसनमा उपचाररत रहेका छन् ।
