मकवानपुर– हेटौंडा उपमहानगरपालिका–५, पिप्ले स्थित निर्माणधिन बक्सिङ कर्बड हलका लागि मदन भण्डारी स्टोट्स एकेडेमी मकवानपुरले आर्थिक सहयोग गरेको छ । बक्सिङका अन्तराष्ट्रिय खेलाडि तथा पिप्ले युवा क्लबका अध्यक्ष सुशील घिमिरेको पहलकदमीमा निर्माण भईरहेको कर्बड हल निर्माणलाई पुर्णता दिन एकेडेमिले ७७ हजार ७ सय ७७ रुपियाँ सहयोग गरेको हो ।
एकेडेमिका सदस्य, शुभचिन्तक तथा मातहतका कमिटिबाट संकलित रकम एकेडेमिका अध्यक्ष निरज सिंह ठकुरीले हल निर्माण कार्यको नेतृत्व गरिरहनुभएका खेलाडी घिमिरेलाई हस्तानतरण गर्नुभएको हो । कार्यक्रममा जिल्ला खेलकुद विकास समितिका अध्यक्ष सानु लामा, ऐकेडेमीका सल्लाहकार सन्तोष पौडेल, अध्यक्ष निरज सिंह ठकुरी, समाजसेवी अर्जुन ढकाल लगाएतको उपस्थिती थियो । कार्यक्रममा नेकपा जिल्ला सदस्य ईश्वर ढुंगाना, नगर सदस्य विशाल महत, वडा अध्यक्ष देवि गौतम, सचिव पदम बजगाँई, एकेडेमिका सल्लाहकार सुनिल लोप्चन, जिल्ला उपाध्यक्ष प्रकाश सुवेदी, सचिव आकाश अधिकारी, नगर अध्यक्ष सुबिन लामा, शिक्षक खेलकुद संघका अध्यक्ष राजाराम पोखरेल लगाएतको उपस्थिति थियो ।
मदन भण्डारी स्पोर्टस एकेडेमिले जिल्लामा पछिल्लो समय खेलकुद क्षेत्रको विकासको लागि महत्वपुर्ण भुमिका निर्वाह गर्दै आएको छ । आगामि दिनमा समेत कर्भड हल निर्माणको लागि आवश्यक आर्थिक तथा भौतिक सहयोग गर्न सदैव तयार रहेको कमिटिका सल्लाहकार सन्तोष पौडेलले जानकारी दिनुभयो । एकेडेमिका अध्यक्ष निरजसि ठकुरीले कर्भड निर्माण अनुकरणिय कार्य भएकोले थोपाथोपा संकलन गरेर सहयोग गरिएको बताउनुभयो ।
