मकवानपुर– जिल्ला समन्वय समिति (जिसस) मकवानपुरमा करीब ४ महिना पछि नयाँ कार्यालय प्रमुख (समन्वय अधिकारी) आउनुभएको छ । जिसस मकवानपुरको समन्वय अधिकारीमा आनन्दराज पोखरल आउनुभएको हो ।
नयाँ कार्यालय प्रमुखलाई जिसस मकवानपुरका प्रमुख रघुनाथ खुलाललगायत कर्मचारीहरुले स्वागत गर्नुभएको थियो । गत माघ २६ गते समन्वय अधिकारी कपिल प्रसाद उपाध्याको सुरुवा भएपछि खालि रहेको ठाउँमा पोखरेल आउनुभएको हो । यसअघि बनेपा नगरपालिकामा प्रमुख कार्यकारी प्रमुखका रुपमा कार्यरत पोखरेल बुधबार कार्यालयमा हाजिर हुनुभएको हो । ललितपुर जिल्ला स्थायी बासिन्दा पाखरेलले यसअधि विभिन्न स्थानियतहमा काम गर्नुभएको अनुभव रहेको छ ।
