मकवानपुर– नेपाल कम्युनिस्ट पार्टी (नेकपा) हेटौंडा उपमहानगरपालिका कमिटीको बिस्तारित बैठक बिहीबार सम्पन्न भएको छ । नगर कमिटीका कार्यालय सदस्य रामचन्द्र अर्यालको सभाध्यक्षता तथा नेकपा केन्द्रिय सदस्य एवम् मकवानपुर सह ईन्चार्ज रामेश्वर राणाको प्रमुख आतिथ्यतामा बैठक बसेको हो ।
आज बसेको बिस्तारित बैठकले २ सय ३५ सदस्यीय नयाँ नगर कमिटी घोषणा गरेकाे छ । बिस्तारित बैठकबाट नगर कमिटीको अध्यक्षको जिम्मेवारी शालिकराम पुडासैनीलाई र सचिवको जिम्मेवारी बोलबाहादुर कार्कीलाई दिएको छ । अध्यक्ष रघु आचार्य र सचिव तिर्थ बहादुर थापालाइ कार्वाही गर्दै पुडासैनीलाई अध्यक्षको र कार्कीलाई सचिवको जिम्मेवारी दिएको हो । पार्टी नीति, विधि र पद्धति बिपरित काम गतेको भन्दै बैठकले आचार्य र थापालाइ पद मुक्त गरेर नगर अध्यक्षमा पुडासैनी र सचिबमा कार्कीलाई जिम्मेवारी दिएको जिल्ला अध्यक्ष एकलाल श्रेष्ठले जानकारी दिनुभयो । बैठकले नगर कमिटीमा आवश्यक्ताका आधारमा सदस्यहरु थप गरिने समेत उहाँले बताउनुभएको छ ।
बैठकले पाट्रीको तल्लो तहसम्मको कमिटी बिस्तारका लागि नगरका सबै वडामा भेला राख्ने र जिम्मेवारी प्रदान गर्ने निर्णय समेत गरेको छ । तल्लो तहसम्मको कमिटी बिस्तार गर्ने र पाट्रीलाई सुध्रिढीकरण गर्ने अभियान अनुसार काम अगाडी बढाईएको उहाँले बताउनुभयो । सो अनुसार आगामी १० देखि १२ गते सम्म नगरका सबै वडामा भेलाको आयोजना गर्ने र वडा स्तरीय जिम्मेवारी प्रदान गरिने उहाँले जानकारी दिनुभयो । बैठकले पार्टी अध्यक्ष तथा प्रधानमन्त्री केपि शर्मा ओलिले राजनैतिक स्थिरता, जनमत, शान्ती र बिकासका लागि चाल्नुभएको संसद विघटनको कदमलाइ अग्रगामी कदमको रुपमा समर्थन गर्दै तोकिएको मितिमा नै प्रतिनिधि सभाको निर्वाचन गर्न पार्टी पंक्तिलाई निर्वाचनमा केन्द्रित गर्ने निर्णय गरेकाे छ ।
बैठकमा केन्द्रिय सदस्यहरु अनन्त पौडेल, रघुनाथ खुलाल, मधुशुधन खतिवडा, महेश बर्तौला, जिल्ला सचिवालय सदस्य गोपाल श्रेष्ठ, नवीन सिग्देल, कमल बिष्ट, देबराज रिमाल, राजन थापा सम्राट तुम्बहाम्फेलगाएतकाले मन्तब व्यक्त गर्नुभएको थियो । बैठकमा जिल्ला सचिवालय सदस्य सुनिल माेक्ततान, गणेशकुमारी प्रधानलगायत १९ वटै वडाका अगुवा कार्यकर्ताहरूकाे सहभागिता थियाे ।
