अन्तर्राष्ट्रिय क्रिकेट परिषद् (आईसीसी)ले भारतमा २०२१ मा हुने भनिएको विश्वकप तोकिएकै मितिमा हुने जनाएको छ । कोरोना भाइरसको महामारीको कारण प्रतियोगिता सर्ने आँकलन गरिएका बेला आईसीसीले तोकिएकै मितिमा गर्ने घोषणा गरेको हो ।
आईसीसीबाट अनुमति पाएसँगै भारतमा हुने विश्वकप सन् २०२१ को अक्टोबरदेखि नोभेम्बरसम्म हुनेछ । फाइनल नोभेम्बर १४ मा हुने बीबीसीले जनाएको छ । तर, अष्ट्रेलियामा २०२१ मै हुने भनिएको टी ट्वान्टी विश्वकप भने २०२२ सम्मका लागि स्थगित गरेको आईसीसीले जनाएको छ ।
त्यस्तै न्युजिल्यान्डमा आउँदो वर्ष आयोजना गर्ने भनिएको महिलाको एकदिवसीय विश्वकप क्रिकेट भने एक वर्ष सारिएको छ । अब महिलाको विश्वकप २०२२ मा हुनेछ । यसअघि महिला विश्वकप सन् २०२१ को फेब्रुअरी ६ देखि मार्च ७ सम्म आयोजना हुने भनिएको थियो ।
