मकवानपुर – मकवानपुरको हेटौंडा उपमहानगरपालिका वडा नम्बर १८ मा बोलेरोको ठक्करबाट एक जनाको मृत्यु भएको छ । धरान चतरा सडकखण्ड अन्तरगत हेटौंडा–१८, कठायत चोकमा गएराती बोलेराले मोटरसाईकललाई ठक्कर दिँदा मोटरसाइकल चालक पर्साको बिरगंज महानगरपालिका–१ बस्ने ३१ वर्षीय धर्मेन्द्र राम थारुको मृत्यु भएको हो ।
बोलेरोको ठक्करबाट गम्भिर घाईते भएका थारुको हेटौंडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरिक्षक टेक बहादुर कार्कीले जानकारी दिनुभयो । सोमबार राती धरान चतरा सडक खण्ड अन्तरगत पूर्वबाट पश्चिम तर्फ आउँदै गरेको ना ५ च २९९ नम्बरको बोलेरोले सडक छेउमा रोकी राखेको बा ४४ प ३८०२ नम्बरको मोटरसाइकल र चालक थारुलाई ठक्कर दिएको बहादुर कार्कीले बताउनुभयो । प्रहरीले ठक्कर दिने बोलेरो नियन्त्रणमा लिएको तथा बोलेरो चालक भने फरार रहेको र खोजी कार्य भईरहेको उहाँले बताउनुभयो ।
