मकवानपुर– मकवानपुर प्रहरीले ५ किलो लागुऔषध अफिम बरामद गरेको छ । ईलाका प्रहरी कार्यालय नेवारपानीबाट खटिएको प्रहरी टोलीले लागु औषध अफिमसहित एउटा पल्सर मोटरसाईकल बरामद गरेको हो । गत असाढ १७ गते बरामद गरेकाे लागु अफिमका बारे प्रहरीले आईतबार पत्रकार सम्मेलन गरेर जानकारी दिएकाे हाे ।
पुर्वपश्चिम राजमार्ग अन्तर्गत हेटौँडा–१९ नेवारपानीमा सुरक्षाजाँचका क्रममा मनहरीबाट हेटौँडा तर्फ आउँदै गरेको ना ४३ प ५७८४ नम्बरको मोटरसाइकलसहित ५ केजी अफिम बरामद प्रहरीले जनाएको छ । प्रहरीको टोली देखेपछी अफिम भएको झोला छाडेर मोटरसाइकलमा सवार भने जंगलतर्फ भागेको मकवानपुरका प्रहरी प्रमुख प्रहरी उपरीक्षक सुशिल सिंह राठौँरले पत्रकार सम्मेलन गरेर जानकारी दिनुभयो । बरामद गरिएको अफिमको बजार मुल्य ५ लाख भएको र भागेकाहरुको खोजीकार्य भइरहेको उहाँले बताउनुभयो ।
