हेटौँडाः मकवानपुरको बागमती गाउँपालिका–८ अमृता सामुदायिक वनमा एक जना वृद्ध मृत फेला परेका छन् । मृत फेला पर्नेमा सोही स्थान बस्ने ७२ वर्षीय काजिमान बमजन रहेको बागमती प्रदेश प्रहरी कार्यालय हेटौँडाले जनाएको छ ।
बमजन गत बिहिबार घरबाट हिडेकोमा घर नआएपछि आफन्तले खोजतलास गर्ने क्रममा सोमबार बिहान ११ बजेर ५० मिनेटको समयमा सामुदायिक वनमा मृत फेला परेको प्रहरीले जानकारी दिएको छ । मुचुल्का पश्चात शव पोष्टमार्टमको लागि हेटौंडा अस्पताल ल्याईएको प्रहरीले जनाएको छ ।
