मकवानपुर – बागमती प्रदेशमा श्रम, रोजगार तथा यातायात मन्त्री एकालाल श्रेष्ठले हेटौँडा सिमेन्ट उद्योगको अवस्था सुधार हुनु पर्ने बताउनु भएको छ । समग्र उद्योग ट्रेड यूनियन हेटौँडा सिमेन्ट उद्योग लिमिटेडको १६औँ अधिवेशनमा बोल्दै मन्त्री श्रेष्ठले हेटौंडा सिमेन्ट उद्योगको अवस्था सुधारका लागि सबै पक्ष मिलेर काम गर्नुपर्ने बताउनुभयो ।

No description available.

मन्त्री श्रेष्ठले स्वर्णीम ईतिहाँस बोकेको हेटौँडा सिमेन्ट उद्योगले हेटौँडा कपडा उद्योगको जस्तो अवस्था बेहोर्न नहुने बताउनुभयो । हेटौँडा सिमेन्ट उद्योगमा रहेका समस्यालाई सुधार गर्दै उद्योललाई बजारमा आएका निजी उद्योगसँग प्रतिस्पर्धी गर्ने गरी क्षमता बिस्तार गर्नुपर्ने उहाँको भनाई थियो । हेटौँडा सिमेन्ट जस्तो प्रतिष्ठित उद्योगको कारण हेटौँलाई देशभर औद्योगिक नगरको रुपमा चिनिएको भन्दै उहाँले सिमेन्ट उद्योगलाई जोगाएर प्रतिस्पर्धी बनाउन प्रदेश सरकारले सहकार्य गरेर अघि बढने बताउनुभयो ।

No description available.

स्वर्णिम इतिहाँस बोकेर अघि बढेको उद्योगको के–कस्ता पक्षलाई सुधार गर्नसके उद्योग नियमित सञ्चालन हुन्छ, प्रतिस्पर्धामा उत्रन सक्छ भन्ने विषयमा उद्योगसँग सम्वन्धित पक्षबाट राज्यलाई पनि झकझकाउनु पर्ने भन्दै मन्त्री श्रेष्ठले सरकारी मातहतका उद्योगले कम नाफा कमाएर सेवामा ध्यान दिनुपर्नेमा जोड दिनुभयो । प्रदेश सरकारले उद्योगमा श्रमिकहरुले बेहर्नपरेको समस्यालाई समाधान गर्न श्रमिकमैत्री नीतिहरु अवलम्वन गर्ने भन्दै श्रम तथा रोजगारको विषयमा प्रदेश सरकारले चासोपुर्वक कामहरु अघि बढाउने बताउनुभयो ।