मकवानपुर – मकवानपुरमा मोटरसाईकल दुर्घटना हुँदा एकजनाको मृत्यु भएको छ । धरानचतरा सडकखण्ड अन्तरगत मकवानपुरको बकैयाँ गाउँपालिका–५ हात्तिसुडेमा मोटरसाइकल दुर्घटनामा परेर एक जनाको मृत्यु भएको हो ।
बकैयाँको हात्तिसुडेबाट श्रीपुर तर्फ जादै गरेको प्रदेश २ ०३०१८ प २५५७ नम्बरको मोटरसाइकल आफै अनियन्त्रीत भई दुर्घटना हुँदा बकैयाँ–५ श्रीपुर बस्ने २८ वर्षिय श्याम लामाको मृत्यु भएको जिल्ला प्रहरी कार्यालय मकवानपुरले जनाएको छ । गएराती मोटरसाइकल अनियन्त्रित भई सडक छेउको नालिमा खसी दुर्घटना भएको प्रहरीले जनाएको छ । दुर्घटनामा परि घाईते भई लामालाई उपचारको लागी हेटौंडा स्थित चुरेहिल अस्पताल ल्याएकोमा डाक्टरले मृत घोषणा गरेका थिए ।
