हेटौँडा । नेपाली कांग्रेस भीमफेदी गाउँपालिकाका उपाध्यक्ष रुद्र लामा एमाले प्रवेश गरेका छन् । गत स्थानीय तहको निर्वाचनमा भीमफेदी वडा नम्बर ६ बाट वडाध्यक्षका प्रत्यासी समेत रहेका लामा नेकपा एमाले प्रवेश गरेका हुन् ।
नेकपा एमाले पार्टी कार्यालय हेटौँडामा भएको कार्यक्रमबिच लामालाई एमालेका केन्द्रीय सदस्य एवम मकवानपुर इन्चार्ज रामेश्वर राना, एमाले प्रतिनिधिसभा क्षेत्र नम्बर २ का उम्मेद्वार महेश बर्तौला सहितको टोलीले एमालेमा स्वागत गरेका हुन् । एमाले प्रवेश गर्दै लामाले एमाले राष्ट्रवादी पार्टी भएकोले आफुले एमाले रोजेको बताए । कांग्रेसमा ब्यक्तिवाद हाबी रहेको र त्यस्तो ठाउँमा आफु बसिरहन असमर्थ भएको उनको भनाई थियो ।
