साताको तेस्रो कारोबार आज मंगलबार सेयर बजार परिसूचक नेप्सेमा सामान्य वृद्धि भएको छ । सुरुवाती दुई दिन लगातार घटेको नेप्से परिसूचक साताको तेस्रो कारोबार दिन १.८१ अंकले बढेर बन्द भएको छ । आज ०.०९ प्रतिशतले बढेर नेप्से २०५४.९५ को बिन्दुमा पुगेको छ ।
आज २२२ कम्पनीका ४० लाख ३१ हजार २५ कित्ता सेयर किनबेच भएको छ । कारोबार अवधिभर १ अर्ब ३३ करोड ३५ लाख ६० हजार ८५७ रुपैयाँ बराबरको कारोबार भएको छ । आज सेन्सेटिभ इन्डेक्स ०.१५ प्रतिशतले बढेर ३९७.६९ को बिन्दुमा पुगेको छ ।