मकवानपुर – मकवानपुुर प्रहरीले लागुऔषध खैरो हिरोईनसहित हेटौंडाका छुट्टा छुट्टै स्थानबाट सोमबार तीन जनालाई पक्राउ गरेको छ । प्रहरीले लागु औषधसहित हेटौडा–१६ चिसापानी बस्ने वर्ष ३४ का विकराज वि.क., हेटौडा–१० बस्ने वर्ष ३७ का रन्जित आले मगर र हेटौडा–२ बस्ने वर्ष ४८ का उज्वलकृष्ण मानन्धरलाई पक्राउ गरिएको जनाएको छ ।
जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरिक्षक टेक बहादुर कार्कीका अनुसार सोमबार अस्थायी प्रहरी पोष्ट हटियाबाट खटिएको प्रहरी टोलीले हटिया त्रिशुले स्थित धरान चतारा सडक खण्डबाट ४० मिली ग्राम खैरो हिरोईनसहित विकराज विक, हेटौडा–१० स्थित मित्रमार्गबाट ४० मिली ग्राम खैरो हिरोईनसहित रन्जित आले मगर र हेटौंडा–१० स्थित बसपार्कबाट १०० मीली ग्राम खैरो हिरोईनसहित उज्वलकृष्ण मानन्धरलाई नियन्त्रणमा लिईएको जानकारी दिनुभयो । लागूऔषध सहित नियन्त्रणमा लिईएका उनिहरु बिरुद्ध थप अनुसन्धान भईरहेको उहाँले बताउनुभयो ।
