काठमाडौँ – नेपाली सेनाको प्रवक्ताको जिम्मेवारी सहायक रथी नारायण सिलवालले आजदेखि औपचारिक रुपमा सम्हाल्नुभएको छ । करिब डेढ वर्ष प्रवक्ताको जिम्मेवारीमा रहनुभएका निवर्तमान सहायक रथी सन्तोषबल्लभ पौडेलले सैनिक जनसम्पर्क तथा सूचना निर्देशनालयमा आयोजित कार्यक्रममा सहायक रथी सिलवाललाई आज प्रवक्ताको जिम्मेवारी औपचारिक रुपमा हस्तान्तरण गर्नुभएको हो ।
बालाजुस्थित सेनाको एक नम्बर बाहिनीपति सिलवाललाई सैनिक मुख्यालयले केही समयअघि सैनिक जनसम्पर्क तथा सूचना निर्देशनालयमा सरुवा गरेको थियो । निवर्तमान प्रवक्ता पौडेललाई जङ्गी अड्डाले मुख्यालयस्थित शान्ति सेना सञ्चालन निर्देशनालयको निर्देशकमा सरुवा गरेको छ ।
