मकवानपुर – मकवानपुरमा आज थप ८२ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा १७९ जनामा पिसिआर र ५३ जनामा एन्टीजेन गरी २ सय ३२ जनामा परीक्षण गर्दा ८२ जनामा कोरोना पुष्टि भएको स्वास्थ्य कार्यलय मकवानपुरले जनाएको छ । यसअघि सोमबार जिल्लामा ७५ जनामा कोरोना पुष्टि भएको थियो । यो संगै जिल्लामा कोरोना पुष्टि हुनेको संख्या १२ हजार ६६३ पुगेको कार्यलयले जनाएको छ ।
यसैगरि पछिल्लो २४ घण्टामा थप ७१ जनाले कोरोन जितेको छन् । यो संगै जिल्लामा कोरोना जित्नेको संख्या ११ हजार ९ सय १७ पुगेको छ । जिल्लामा हाल ५ सय ६१ जना सक्रिय संक्रमित रहेका छन् । जसमा ५ सय १२ जना होम आइसोलेसनमा र ४९ जना संस्थागत आइसोलेसनमा उपचाररत रहेको जिल्ला स्वास्थ्य कार्यलय मकवानपुरले जनाएको छ । मकवानपुरमा पछील्लो एक साताबाट कोरोना संक्रमण दर निकै बढ्दै गएको छ । जिल्लामा जारी निषेधाज्ञा खुकुलाे हँदै जाँदा स्वास्थ्य सुरक्षाकाे मापदण्ड पालना नहुँदा र भिडभाड बढेका कारण पनि संत्रफमण बढ्दै गएकाे हाे ।
