मकवानपु– मकवानपुरमा सोमबार थप १ सय ४८ जनामा कोरोना भाइरसको संक्रमण पुुष्टि भएको छ । १६१ जना पिसीआर र ९० जनामा एन्टीजेन विधिबाट गरि २५१ जनामा गरिएको परिक्षणमा १ सय ६ जना र ४२ जना थप १४८ जनामा संक्रमण पुष्टि भएको स्वास्थ्य कार्यालय मकवानपुरले जनाएको छ । योसंगै मकवानपुरमा हालसम्म १ हजार ५५७ जना संक्रमित भएका छन् ।
आज हेटौंडा उपमहानगरपालिकामा १०२ जना थाहा नगरमा १४ जना, मकवानपुरगढीमा १४ जना, बागमती गाउँपालिकामा २ जना, मनहरी गाउँपालिकामा भने १६ जनामा संक्रमण पुष्टि भएको कार्यालयले जनाएको छ । कार्यालयका अनुसार आज थप १८ जना संस्थागत आइसोलेसनमा र १४६ जना होम आइसोलेसनमा रहेका छन् । जिल्लामा हाल ७२ जना संस्थागत आइसोलेसनमा र १ हजार ४ सय ८५ जना होम आइसोलेसनमा रहेका छन् । यस्तै आज थप ३१ जना कोरोना संक्रमित निको भएर डिस्चार्ज भएको कार्यालयले जनाएकोे छ । अहिले हेटौंडाको गौरिटार आइसोलेसनमा २३ जना सक्रमितहरु बसेका छन् । यस्तै हेटौंडा अस्पतालको आइसोलेसनमा २९ जना, चुरेहिलमा १ जना र सहकारी अस्पतालको आइसोलेसनमा ३ जना उपचाररत रहेकाे कार्यालयले जनाएकाे छ ।
