मकवानपुर – मदन भण्डारी फाउन्डेसन मकवानपुरले ७१औं मदन जयन्ती विभिन्न रचनात्मक कार्यक्रमको आयोजना गरेर मनाउने निर्णय गरेको छ । मदन भण्डारी फाउण्डेशन मकवानपुरको तेस्रो साधारणसभाबाट निर्वाचित कार्यसमितिको पहिलो बैठकले रक्तदान, वक्तित्वकला प्रतियोगिता, बृक्षारोपण र माल्यार्पणलगायत विभिन्न कार्यक्रम गरेर ७१औं मदन जयन्ती मनाउने निर्णय गरेको हो ।

No description available.

फाउण्डेशनका अध्यक्ष रघुनाथ खुलालको अध्यक्षतामा बसेको बैठकले मदन जयन्तीका अवसरमा आगामी असाढ १३ गते “मैले बुझेको मदन भण्डारी” शीर्षकमा वक्तित्वकला प्रतियोगिता आयोजना गर्ने, असाढ १२ गते रक्तदान कार्यक्रम आयोजना गर्ने र असाढ १४ गते हेटौंडा–११,शहिद स्मारकमा मदन भण्डारीको शालिकमा माल्यार्पण तथा हेटौंडा–९, स्थित, दिव्य बाल उद्यानमा बृक्षारोपण कार्यक्रम आयोजना गर्ने निर्णय गरेको हो । बैठकले यी कार्यक्रमहरु सञ्चालकका लागि विभिन्न जिम्मेवारी समेत प्रदान गरेको अध्यक्ष खुलालले बताउनुभयो ।

No description available.

बैठकले तेस्रो साधारणसभामा पाल्नुहुने प्रमुख अतिथी, अतिथि लगयत साधारणसभा सम्पन्न गर्न सहयोग पु¥याउनु हुने सम्पुर्णमा धन्यवाद व्यक्त गर्ने निर्णय गरेको छ । यस्तै पहिलो बैठकले कमलकुमार बिश्वकर्मा, किताब सिंह लामा, लक्ष्मण प्रसाद भण्डारी, गणेश कुमारी प्रधान र डिलुमाया घर्तीलाई कार्यसमितिमा मनोनित गर्दै २१ सदस्य कार्यसमिति बनाउने निर्णय गरेको छ । यस्तै बैठकले १८–२६ वर्षका युवाहरुबीचमा “मैले बुझेको मदन भण्डारी” शीर्षकमा भिडियो निर्माण गर्ने समेत निर्णय गरेको छ ।

No description available.

बैठकमा बागमती प्रदेशका प्रथम मुख्यमन्त्री एवम् फाउण्डेशनका केन्द्रिय सदस्य डोरमणी पौडेलले मदन भण्डारीले प्रतिपादन गरेको जनताको बहुदलीय जनवादको बाटोमा हिँडेर यहाँसम्म आईपुगिएको बताउनु भयो । उहाँले अहिले जनताको बहुदलीय जनवाद ओझेलमा परेको हुँदा अब फाउण्डेशनले त्यसलाई नयाँ पुस्तामा पु¥याउन र समृद्ध समाज निर्माणमा भुमिका खेल्नु पर्ने बताउनुभयो । जनताको बहुदलीय जनवादको बाटोमा हिड्न सके मात्रै मदन भण्डारीप्रतिको सच्चा श्रद्धाञ्जली हुने समेत उल्लेख गर्नुभयो ।